Jamie Carragher fyrrum leikmaður Liverpool telur að stuðningsmenn félagsins þurfi að bíða rólegir og treysta félaginu á félagaskiptamarkaðnum.
Carragher segir að stuðningsmenn Liverpool þurfi ekki að fara á taugum þó enginn hafi verið keyptur í sumar.
„Stuðningsmenn Liverpool þurfa ekki að hafa áhyggjur, þú verður að treysta félaginu,“ sagði Carragher um stöðu mála en Arne Slot er á leið inn í sitt fyrsta tímabil.
„Hvernig félagið hefur gert hlutina síðustu tíu ár á markaðnum, þá verður að treysta því. Félagið hefur allt sem til þarf til að gera hlutina rétt.“
„Liverpool er mjög gott lið og það er því ekki einfalt að styrkja liðið. Svo er nýr þjálfari sem þarf tíma til að kynnast hópnum sínum.“
„Ég myndi skilja pirring ef Jurgen Klopp væri áfram þjálfari, hann þekkti hópinn betur og hvað hann vildi gera. Arne Slot hlustar á þá sem stjórna félaginu en hann vill sjá leikmenn fyrst áður en hann tekur ákvörðun.“
„Ég hef ekki neinar áhyggjur af stöðu mála.“
