Annie Kilner, eiginkona enska landsliðsmannsins Kyle Walker, fékk í raun ótrúleg skilaboð á öðrum degi jóla á síðasta ári.

Daily Mail fjallar um málið en kona að nafni Lauryn Goodman sendi Kilner sláandi skilaboð yfir hátíðirnar.

Walker hélt framhjá eiginkonu sinni með Goodman á sínum tíma og eignuðust þau dóttur saman sem býr alfarið hjá honum í dag.

Goodman ákvað að láta Kilner vita af barninu undir lok síðasta árs og var hún orðlaus eftir að hafa heyrt fréttirnar.

Walker var í kjölfarið sparkað út úr eigin húsi en hann hefur náð sáttum við eiginkonu sína í dag og eru þau búsett saman.

,,Sæl, þetta er Lauryn. Ég vildi bara láta þig vita að Kyle er faðir dóttur minnar,“ skrifaði Goodman.

Eins og gefur að skilja var Kilner miður sín og steinhissa er hún fékk þessar fréttir og var skiljanlega afskaplega reið út í eiginmann sinn sem spilar með Manchester City.

Kilner var sjálf ófrísk á þessum tíma en hún og Walker áttu von á sínu fjórða barni – hún var ein heima er skilaboðin bárust þar sem bakvörðurinn var í verkefni með félagsliði sínu.