Liverpool er að biðja félög í Evrópu um of mikinn pening fyrir varnarmanninn sem kannski ekki allir kannast við, Sepp van den Berg.

Van den Berg spilaði vel með Mainz á láni á síðustu leiktíð og er eftirsóttur af þónokkrum liðum.

Liverpool gæti viljað allt að 25 milljónir punda fyrir Hollendinginn sem gæti reynst of hátt verð fyrir lið eins og PSV, Wolfsburg og Mainz.

,,Ég veit að verðmiðinn er gríðarlega hár á markaðnum í dag en varðandi verðið sem þeir vilja fá fyrir mig, hmmmm…“ sagði Van den Berg.

,,Liverpool gæti talið það rétt í stöðunni þar sem ég átti gott tímabil, ef þeir vikjha fá 20-25 milljónir punda þá er það mun hærra en búist var við.“

,,Kannski verð ég áfram og kannski ekki, það fyrsta sem ég hugsaði var að verðmiðinn væri ansi hár en það er líka hrós. Það gerir mér þó erfitt fyrir.“