Liverpool hefur mikinn áhuga á því að kaupa Antony Gordon kantmann Newcastle í sumar. Fabrizio Romano segir frá.

Romano segir að viðræður um þetta hafi átt sér stað í júní á milli Newcastle og Liverpool. Það fór hins vegar ekki lengra.

Málið gæti þó verið að fara af stað aftur. „Á lokadögunum í júní var Newcastle í vandræðum með FFP reglurnar, Liverpool hafði samband vegna Gordon. Það voru samskipti og leikmaðurinn vildi fara til Liverpool. Gordon er búinn að gefa græna ljósið,“ segir Romano.

„Newcastle vildi ekki selja þá, það kom ekkert formlegt tilboð en viðræðurnar voru í gangi.“

„Ég er að heyra það aftur núna að áhugi Liverpool sé gríðarlegur, þeir vilja fá hann. Hann er mjög ofarlega á lista þeirra.“

Liverpool hefur ekki fest kaup á neinum leikmanni eftir að Arne Slot tók við en búist er við að félagið fari að klára nokkur kaup á næstu vikum.

Gordon þekkir vel til í Liverpool enda lék hann lengi vel með Everton sem einnig er staðsett í Bítlaborginni.