Victor Osimhen fékk ekki pláss í leikmannahópi Napoli sem spilaði við lið Egnatia í æfingaleik í gær.

Egnatia er lið sem einhverjir hérlendis eru farnir að kannast við en um er að ræða andstæðinga Víkings R. í Sambandsdeildinni.

Osimhen hefur lengi verið aðalvopn Napoli í sókninni en hann er orðaður við Paris Saint-Germain þessa dagana.

Samningur Osimhen gildir til ársins 2026 en hann er sagður vilja komast burt og semja við PSG í von um að vinna fleiri titla.

Antonio Conte, stjóri Napoli, ákvað að skilja Osimhen eftir í leiknum sem vannst að lokum sannfærandi 4-0.

Chelsea er einnig að skoða Osimhen en er ekki tilbúið að borga 110 milljónir punda líkt og PSG.