Darragh MacAnthony, eigandi Peterborough United, myndi ekki íhuga það í eina sekúndu að ráða Roy Keane sem nýjan þjálfara félagsins.

Keane hefur verið orðaður við nokkur störf en hann mun ekki taka við Peterborough sem lengi sem Darragh MacAnthony á félagið.

Keane starfar í dag sem sparkspekingur hjá ITV en hann er svo sannarlega af gamla skólanum og kallar ekki allt ömmu sína.

Keane er umdeildur á meðal margra en hann er 52 ára gamall í dag og er sagður íhuga þjálfun á nýjan leik.

,,Ég elska að hlusta á hann hjá ITV í sjónvarpinu og allt það en það er ekki fræðilegur möguleiki að ég myndi gera það,“ sagði MacAnthony.

,,Ég veit hann gerði frábæra hluti hjá Sunderland og kom liðinu upp um deild, í úrvalsdeildina.“

,,Við þurfum þó stundum að horfa á heildarmyndina sem gerir mig oft bálreiðan, við erum ekki að glíma við sömu kynslóð og fyrir 10-20 árum.“