Trent Alexander-Arnold er í sumarfríi þessa stundina eftir að hafa leikið með enska landsliðinu á EM í sumar.

Trent er uppalinn hjá Liverpool og hefur leikið þar allan sinn feril en hann er sterklega orðaður við Real Madrid þessa dagana.

Bakvörðurinn sást árita treyju Real í gær og eru orðrómarnir um að hann sé á förum orðnir enn háværari.

Þessi mynd þarf þó ekki að þýða neitt en ungur strákur bað Trent um að árita treyju sína sem hann að sjálfsögðu samþykkti.

Liverpool er talið vilja halda enska landsliðsmanninum en gæti verið reiðubúið að selja fyrir rétt verð í sumarglugganum.