Daily Mail greinir frá því að nýir eigendur Manchester United séu við það að reka mann úr starfi sem ber nafnið Alec Wiley.

Wiley hefur starfað sem liðsstjóri og búningastjóri í 11 ár en tími hans virðist vera runninn upp.

Jim Ratcliffe og INEOS eignuðust United í vetur og hafa margar breytingar átt sér stað hingað til.

Samkvæmt Mail er Wiley að fá sparkið líkt og sjúkraþjálfarar félagsins Richard Merron og John Davin.

Fjölmargir yngri þjálfarar hjá félaginu verða einnig látnir fara en Wiley er vinsæll á meðal leikmanna United og er hluti af ‘fjölskyldunni’ á Old Trafford.

Fréttirnar hafa ekki farið vel í alla en United á þó eftir að staðfesta brottreksturinn.