Það er útlit fyrir það að Enzo Maresca, stjóri Chelsea, hafi lítinn áhuga á að nota enska landsliðsmanninn Ben Chilwell í sumar.

Chilwell hefur glímt við mörg meiðsli á tíma sínum í London en hann er einn af bakvörðum félagsins.

Maresca nefndi fjóra bakverði sem hann virðist ætla að nota í vetur eftir að hafa tekið við félaginu í sumar.

Chilwell var ekki á meðal þeirra sem voru nefndir og eru einhverjir sem tala um að hann gæti verið á förum í sumarglugganum.

,,Við þurfum ekki endilega að breyta þeim í svoleiðis bakverði,“ sagði Maresca og var þá að tala um að nota hægri fótar leikmenn vinstra megin og þá vinstri fótar leikmenn hægra megin.

,,Ég hef séð mikið af Reece James og hann getur leyst það hlutverk og við höfum reynt það. Við erum með Malo Gusto sem getur sinnt sama hlutverki sem og Marc Cucurella og Renato Viega.“

,,Við erum að reyna þetta á báðum hliðum.“