Englandsmeistararnir í Manchester City eiga von á risatilboði frá Sádi Arabíu en frá þessu greinir Daily Mail.

Markvörðurinn Ederson er á óskalista Al-Ittihad í Sádi Arabíu en hann hefur lengi verið einn sá besti í sinni stöðu á Englandi.

Samkvæmt Mail er Al Ittihad til í að borga 50 milljónir punda fyrir Brasilíumanninn sem var áður orðaður við Al Nassr.

Al Nassr bauð 25 milljónir punda í Ederson en City vill fá allavega 50 milljónir fyrir sinn mann.

Al Ittihad er tilbúið að tvöfalda þá upphæð til að tryggja sér þjónustu Ederson og verður tilboðið líklega samþykkt af meisturunum.