Jorge Sampaoli, fyrrum þjálfari Argentínu, hefur beðist afsökunar á ummælum sem hann lét falla um Ousmane Dembele.

Dembele er leikmaður Paris Saint-Germain og Frakklands og spilaði með landsliði sínu á EM í sumar.

Sampaoli líkti Dembele við einhverfan einstakling fyrr í mánuðinum – eitthvað sem hann hefur fengið mikla gagnrýni fyrir.

Hann sér eftir þeim ummælum eftir eins og áður sagði töluverða gagnrýni á samskiptamiðlum og í fjölmiðlum.

,,Hinir leikmennirnir eru eins og áhorfendur og bíða eftir því sem gerist næst. Þeir vita að hann spilar eins og hann sé einhverfur – hann byrjar sóknina og endar hana sjálfur,“ sagði Sampaoli um Dembele.

Sampaoli segir að ummælin hafi í raun verið tekin úr samhengi og hefur beðist afsökunar í kjölfarið.

,,Ég ætlaði aldrei að segja að hann væri einhverfur. Ég bið alla afsökunar,“ sagði Sampaoli.

,,Ég vildi tala um hans eiginleika sem knattspyrnumaður. Meira en áður þá þarftu að passa hvað þú segir opinberlega.“