Það hefur nánast ekkert gengið upp hjá KR í Bestu deild karla á þessari leiktíð. Liðið er í harðri fallbaráttu eftir fimmtán umferðir. Í gær tapaði liðið 4-2 gegn Breiðabliki.
Gregg Ryder hóf tímabilið sem þjálfari KR. Hann tók við af goðsögninni Rúnari Kristinssyni í fyrra en var látinn fara upp úr miðjum júní eftir dapurt gengi.
Pálmi Rafn Pálmason, áður aðstoðarþjálfari Ryder, stýrði liðinu í fyrsta leik eftir brottrekstur hans, í jafntefli gegn Víkingi. Það var svo tilkynnt að Pálmi yrði með liðið út leiktíðina.
Gengið hefur þó alls ekki batnað. Það er athyglisvert að skoða samanburð á fyrstu fimm leikjum KR með Ryder sem aðalþjálfara og svo Pálma. Stigasöfnun Englendingsins er töluvert betri eftir öfluga fyrstu tvo leiki í mótinu.
Þá náði Ryder í tæplega helmingi fleiri stig að meðaltali í leik en Pálmi hefur gert hingað til.
Fyrstu fimm leikir Gregg Ryder
Fylkir 3-4 KR
Stjarnan 1-3 KR
KR 0-1 Fram
KR 2-3 Breiðablik
KA 1-1 KR
Stig 7 Markatala 10:9
Fyrstu fimm leikir Pálma Rafns
Víkingur 1-1 KR
KR 2-2 Fylkir
KR 1-1 Stjarnan
Fram 1-0 KR
Breiðablik 4-2 KR
Stig 3 Markatala 6:9
Stig að meðaltali í leik
Gregg Ryder: 1,1
Pálmi Rafn: 0,6
