Dietmar Hamann, fyrrum leikmaður Liverpool, hefur skotið föstum skotum á stórstjörnuna Cristiano Ronaldo.

Ronaldo lék með Portúgal á EM í sumar en liðið datt úr keppni eftir tap gegn Frakklandi í vítaspyrnukeppni.

Joao Felix reyndist skúrkurinn en hann klikkaði á einu spyrnu Portúgala sem varð til þess að liðið datt úr leik.

Flestir ef ekki allir leikmenn Portúgals reyndu að hugga Felix eftir spyrnuna en ekki Ronaldo sem virtist hugsa um sjálfan sig.

,,Allir leikmenn Portúgals gengu að Felix en Ronaldo var alveg sama – hann fór bara beint inn í klefa,“ sagði Hamann.

,,Ég held að Felix hafi þurft á huggun að halda á þessum tímapunkti frá fyrirliðanum en hann ákvað bara að fara.“

,,Ég skil ekki hvernig, hann hefur spilað leikinn í 22 ár og virðist hafa engan skilning á hvernig hlutirnir virka.“

,,Ég hef sjaldan séð leikmann eins eigingjarnan í liðsíþrótt.“