KSÍ vill vekja athygli á neðangreindum upplýsingum um félagaskiptaglugga sumarsins 2024. Miðvikudaginn 17. júlí opnar félagaskiptagluggi í efri deildum meistaraflokks og það styttist í að félagaskiptagluggi loki í neðri deildum meistaraflokks og yngri flokkum. Hér að neðan eru nánari upplýsingar. Fulltrúar félaga eru hvattir til að koma þessum upplýsingum áfram til viðeigandi aðila innan sinna raða.
Besta deild karla, Besta deild kvenna og Lengjudeild karla
17. júlí til 13. ágúst 2024
Sömuleiðis þá opnar félagaskiptagluggi í 2. deild karla og Lengjudeild kvenna þann 17. júlí, en athugið hann er opinn í skemmri tíma (2 vikur).
Lengjudeild kvenna og 2. deild karla
17. júlí til 31. júlí 2024
Þá er vert að minna á að lokað verður fyrir félagaskipti í neðri deildum karla og kvenna þann 31. júlí nk. Það á einnig við um félagaskipti í yngri flokkum.
2. deild kvenna, 3. deild karla, 4. deild karla og 5. deild karla.
1. febrúar til 31. júlí 2024
Glugginn fyrir félagaskipti yngri flokka og ósamningsbundinna leikmanna lokar 31. júlí.
