Það eru einhverjir sem kannast við konu sem ber heitið Alice Campello en hún er eiginkona framherjans Alvaro Morata.

Morata hefur fengið nóg af gagnrýninni á EM í Þýskalandi en frammistaða hans til þessa hefur verið í umræðunni.

Spænski miðillinn El Confidencial fór mögulega yfir strikið eftir helgi stuttu fyrir leik Spánar og Frakklands í gær en Spánn vann þann leik 2-1 og er komið í úrslit.

El Confidencial sagði Morata vera til skammar og þá ekki bara fyrir eigin frammistöðu heldur einnig ummæli sem hann lét falla.

Morata tjáði sig nýlega að hann væri að fá alltof harða gagnrýni í heimalandinu og segir að á Spáni sé engin virðing borin fyrir neinum leikmönnum.

El Confidencial nýtti sér það og sagði hegðun Morata í raun vandræðalega og að hann væri ekki að gera Spánverjum neinn greiða með þessari framkomu.

Campello, eiginkona Morata, var ekki lengi að svara þessari frétt El Confidencial og gagnrýnir þessa frétt miðilsins harkelga.

,,Ég hata að spila okkur sem fórnarlömb hérna og gera meira úr þessu en þetta er ekki eðlilegt fyrir mér, fyrirgefiði, hvernig er þetta eðlilegt?“ sagði Campello.

,,Það eina sem mér finnst lélegt er þessi blaðamennska, þú lærðir þessa sarfsgrein og þú ákveður að nota þessa fyrirsögn þegar Spánn er að spila undanúrslitin.“

,,Það er ótrúlegt fyrir mér að frekar en að hvetja leikmann áfram þá ákveður þú að reyna að drekkja honum. Hvernig getur þú ætlast til þess að hann gefi sitt besta fyrir landið þegar hann telur að enginn hafi trú á sér?“

,,Hvað er markmiðið með þessari fyrirsögn? Að búa til ennþá meira hatur í garð leikmannsins?“