Arsenal er á eftir Daniel Bentley, markverði Wolves, en fyrsta tilboði stórliðsins var hafnað.

Bentley er þrítugur og gekk í raðir Wolves frá Bristol City í fyrra. Hann lék alls fimm leiki í ensku úrvalsdeildinni.

Arsenal leitar að markverði til að keppa við David Raya, og hugsanlega Aaron Ramsdale, um markvarðastöðuna en ekki er ljóst hvort sá síðarnefndi fari frá Skyttunum í sumar. Hann missti sæti sitt er Raya kom í fyrra.

Wolves er bara til í að skoða það að selja Bentley ef ásættanlegt tilboð berst en fyrsta tilboð Arsenal er sagt langt undir þeirra verðmiða.