Portúgal er komið í átta liða úrslit Evrópumótsins eftir sigur á Slóveníu í vítaspyrnukeppni en mikil dramatík var í leiknum.
Markalaust var eftir venjulegan leiktíma en í fyrri hálfleik framlengingar fékk Portúgal vítaspyrnu. Ronaldo hágrét í hálfleik á framlengingu.
Ronaldo hafði skömmu áður klikkað á vítaspyrnu sem Diogo Jota hafði fiskað. Spyrna Ronaldo var föst en Jan Oblak varði vel frá honum. Ronaldo brotnaði niður við það.
Portúgalar voru sterkari en Pepe gerði slæm mistök í síðari hálfleik framlengingar og Benjamin Sesko slapp í gegn en lét verja frá sér. Ótrúlegt dauðafæri.
Í vítaspyrnkeppni voru Slóvenar ískaldir í byrjun og klikkuðu á þremur tveimur spyrnum sínum en Diogo Costa varði þær allir nokkuð vel. Cristiano Ronaldo skoraði úr fyrstu spyrnu Portúgals og var mikið létt.
Bruno Fernandes skoraði úr annari spyrnu liðsins og Bernardo Silva tók þriðju spyrnuna og tryggði Portúgal sigurinn.
Sigur Portúgal staðreynd og ljóst að liðið mætir Frakklandi í átta liða úrslitum á föstudag.
