Chelsea er tilbúið að láta Newcastle fá framherja ef félagið fær þann möguleika að krækja í sóknarmanninn Alexander Isak.
Frá þessu greina ensk götublöð en Isak er sagður vera ofarlega á óskalista Chelsea fyrir næsta tímabil.
Svíinn er hins vegar verðmetinn á 115 milljónir punda og er það ekki verð sem Chelsea er tilbúið að borga.
Þess í stað gæti Nicolas Jackson farið til Newcastle en hann var að klára sitt fyrsta tímabil með enska félaginu.
Jackson var fínn á köflum í vetur en hann skoraði 17 mörk og lagði upp önnur sex í öllum keppnum.
