Belgíska knattspyrnusambandið hefur þurft að biðjast afsökunar eftir gríðarlega umdeilt myndband sem var birt á samskiptamiðla.

Þar mátti sjá miðjumanninn Amadou Onana sem spilar með landsliðinu sem og Everton á Englandi.

,,Hver ætla að tækla sköflunginn á Mbappe,“ var sagt í þessu myndbandi og í kjölfarið var sungið nafn Onana.

Það var sjálft sambandið sem birti þessa óviðeigandi færslu sem fékk mikla og verðskuldaða gagnrýni.

Að sjálfsögðu gæti Mbappe stórslasast ef Onana myndi tækla sköflunginn á Frakkanum sem er einn besti fótboltamaður heims.

,,Það var ekki meiningin að ráðast á neinn. Við höfum verið að vinna með grínistanum Pablo Andres í langan tíma, þetta myndband þurfti að vera fyndið,“ skrifaði sambandið.

,,Við dæmdum þetta ekki rétt og höfum fjarlægt myndbandið. Við viljum biðja alla afsökunar sem tóku þetta inn á sig.“

Myndbandið má sjá hér.

ESTOY LLORANDO CON ONANA, HAY QUE FICHARLOO, ES NUESTRO HOMBREEE😂😂😂😂😂😂😂😂😂😂😂😂😂😂😂😂😂😂😂😂😂 pic.twitter.com/nsw7fEJBwq

— Guti (@gutiifcb) June 29, 2024