FC Groningen hefur staðfest að Brynjólfur Willumsson hafi skrifað undir þriggja ára samning við félagið með möguleika á fjórða árinu.
Þessi 23 ára leikmaður er keyptur frá Kristiansund í Noregi.
Brynjólfur er 23 ára gamall sóknarmaður sem ólst upp hjá Breiðabliki en var seldur til Noregs árið 2021.
Groningen er komið aftur upp í hollensku úrvalsdeildina eftir að hafa endað í öðru sæti B-deildarinnar á síðustu leiktíð.
Í Hollandi mun Brynjólfur hitta fyrir bróður sinn, Willum Þór Willumsson, sem leikur með Go Ahead Eagles í hollensku úrvalsdeildinni.
„Ég hef horft mikið á hollenska boltann síðustu ár til að fylgjast með bróðir mínum, ég hef góða hugmynd um deildina,“ segir Brynjólfur.
