10. umferð Bestu deildar kvenna kláraðist í kvöld með tveimur leikjum.

Víkingur vann frábæran sigur á Stjörnunni eftir að hafa tvisvar lent undir. Hulda Hrund Arnarsdóttir og Esther Rós Arnarsdóttir komu gestunum úr Garðabænum í 0-1 og 1-2 en Hafdís Bára Höskuldsdóttir og Shaina Faiena Ashouri svöruðu fyrir heimakonur.

Fyrirliðinn Selma Dögg Björgvinsdóttir gerði svo sigurmark Víkings um miðjan seinni hálfleik. Lokatölur 3-2.

Víkingur er í fimmta sæti með 15 stig en Stjarnan í því áttunda með 9 stig.

FH vann þá 4-1 sigur á Tindastól. Hildigunnur Ýr Benediktsdóttir, Ída Marín Hermannsdóttir, Elísa Lana Sigurjónsdóttir og Helena Ósk Hálfdánardóttir skoruðu mörk FH en Jordyn Rhodes skoraði fyrir gestina.

FH er í fjórða sæti með 16 stig en Tindastóll í því sjöunda með 10 stig.