Nú fyrir skömmu greindi enska knattspyrnusambandið frá því að Phil Foden hefði yfirgefið herbúðir enska landsliðsins tímabundið af fjölskylduástæðum. Það er nú komið á hreint hvað er um að vera.

Foden ætlar að vera viðstaddur fæðinguna hjá þriðja barni hans og kærustu hans Rebecca Cooke og er því farinn heim.

Foden, sem er á mála hjá Englandsmeisturum Manchester City, byrjaði alla leiki Englands í riðlakeppninni. Enska liðið vann sinn riðil á 5 stigum þrátt fyrir afar ósannfærandi frammistöðu í öllum leikjum.

England á leik í 16-liða úrslitum á sunnudag en andstæðingurinn verður annað hvort liðið sem hafnar í þriðja sæti D eða E riðils. Það er búist við því að Foden verði mættur í þann leik.