Þremur leikjum var að ljúka í Bestu deild kvenna en á Akureyri vann Valur mjög dramatískan 1-2 sigur á Þór/KA í hörkuleik.

Hulda Ósk Jónsdóttir kom heimakonum yfir eftir klukkutíma leik og allt stefndi í sigur Þór/KA.

Á 85 mínútu skoraði varamaðurinn Berglind Björg Þorvalsdóttir sitt fyrsta mark fyrir Val eftir að hafa komið frá PSG.

Það var svo varnarmaðurinn, Anna Björk Kristjánsdóttir sem skoraði sigurmarkið í uppbótartíma.

Breiðablik vann góðan sigur á Keflavík á sama tíma en Breiðablik og Valur eru með 27 stig á toppi deildarinnar eftir tíu leiki.

Þá vann Þróttur Reykjavík góðan 1-0 sigur á Fylki en eftir mjög erfiða byrjun hefur Þróttur unnið þrjá af síðustu fjórum leikjum deildarinanr og er komið í sjötta sæti deildarinnar.

Markaskorarar af Fótbolta.net.