Arsenal hefur lagt fram tilboð í vinstri bakvörð sem ekki margir kannast við en hann ber nafnið Ferdi Kadioglu.

Um er að ræða 24 ára gamlan bakvörð sem spilar með Fenerbahce í Tyrklandi en Ajan Spor þar í landi fullyrðir fréttirnar.

Miðillinn segir að Arsenal sé tilbúið að borga 20 milljónir evra fyrir Kadioglu sem verður eftirmaður Kieran Tierney.

Tierney var í láni hjá Real Sociedad á síðustu leiktíð og er útlit fyrir að hann fari endanlega þangað.

Arsenal vantar varaskeifu í vinstri bakvörðinn og er þessi öflugi Tyrki líklega á leiðinni til Englands samkvæmt þessum fregnum.