Everton sendi inn beiðni til ensku úrvalsdeildarinnar og bað um að fá að spila lokaleik sinn á tímabilinu á útivelli. Staðarmiðillinn Liverpool Echo heldur þessu fram.
Everton kveður Goodison Park eftir næstu leiktíð og fer á nýjan og glæsilegan leikvang í Liverpool-borg.
Félagið vill að þessi sögufrægi völlur verði kvaddur með stæl og vill því ekki spila síðasta leik sinn þar í lokaumferðinni, þegar níu aðrir leikir eru spilaðir á sama tíma.
Enska úrvaldseildin hefur orðið við þessari ósk Everton en liðið lýkur keppni á útivelli gegn Newcastle 25. maí. Síðasti heimaleikurinn verður helgina áður gegn Southampton.
