Brighton er búið að staðfesta komu Fabian Hurzeler en hann mun stýra liðinu á næsta tímabili.
Brighton er að taka mikla áhættu með þessari ráðningu að margra mati en Hurzeler er aðeins 31 árs gamall.
Þjóðverjinn gerði flotta hluti með St. Pauli í heimalandinu í vetur en hann þjálfaði liðið í tvö ár og kom því í efstu deild.
Hann skrifar undir þriggja ára samning við Brighton sem var undir stjórn Roberto De Zerbi á síðustu leiktíð.
Hurzeler er nú orðinn yngsti þjálfari í sögu ensku úrvalsdeildarinnar.
