Íþróttavikan kemur út í hverri viku á 433.is og í Sjónvarpi Símans. Helgi Fannar Sigurðsson og Hrafnkell Freyr Ágústsson hafa umsjón með þættinum og með þeim í setti í þetta skiptið var Hörður Snævar Jónsson.

Íslenska karlalandsliðið var til umræðu í þættinum og var farið um víðan völl. Meðal annars var rætt um landsliðsmanninn unga Hákon Rafn Haraldsson og þá aðallega frammistöðu hans í sigrinum á Englandi á dögunum.

„Ég ángríns held að það séu ekki margir leikmenn í Evrópu jafn fljótir á boltanum og Hákon Arnar. Hann er jafn fljótur með boltann og án hans. Það er hæfileiki sem fáir hafa,“ sagði Hörður.

„Stundum þegar hann var að byrja í landsliðinu, þá á átti hann oft flottar frammistöður, en maður var ekki alveg að kaupa allt hæpið. En þetta skref í Frakklandi virðist hafa gert honum þvílíkt gott þó það hafi verið brekka til að byrja með,“ bætti hann við en Hákon gekk í raðir Lille í fyrra.

Hörður hélt áfram að lofsyngja Hákon.

„Hann er geggjaður í pressu, góður varnarmaður. Þegar hann er að verjast er hann eins og plága sem þú losnar ekki við. Og hvernig hann getur komið okkur út úr pressu með því að taka einn mann á svona auðveldlega. Hann þorir að sóla sig út úr fyrstu pressu.

Það þarf að byggja þetta lið í kringum hann á næstu árum.“

Umræðan um landsliðið í heild er í spilaranum.