InTouch Weekly greinir frá því að það hafi slitnað upp úr sambandi þeirra í kjölfar Netflix-þáttarins þar sem fyrrverandi eiginmaður Gisele, NFL-stjarnan Tom Brady, var „grillaður“ af öðrum stjörnum.
Stjörnurnar létu Brady heyra það í þættinum „The Roast of Tom Brady“ í byrjun maí. Það var skotið nokkrum sinnum á hann varðandi skilnað hans og Bündchen, einnig voru nokkrir brandarar um fyrirsætuna og Valente.
Sjá einnig: Gisele Bündchen fyrir „miklum vonbrigðum“ með nýjasta útspil Tom Brady
Samkvæmt heimildarmanni InTouch Weekly var „sviðsljósið of mikið“ fyrir Valente, sem var jiu-jitsu þjálfari fyrirsætunnar áður en þau byrjuðu saman.
„Joaquim er venjulegar gaur,“ sagði heimildarmaðurinn. „Hann er ekki vanur allri þessari athygli.
Það er ekki vitað hvenær Bündchen, 43 ára, og Valente, 34 ára, hættu saman en þau hafa ekki verið mynduð saman síðan í lok apríl.
Heimildarmaðurinn sagði að Netflix-þátturinn hafi verið högg fyrir parið þar sem það var skotið mörgum sinnum á samband þeirra.
„Joaquim varð að athlægi. Fólk byrjaði að spyrja hann hvort hann væri ástæðan fyrir skilnaði Brady og Bündchen. Hann þoldi það ekki,“ sagði hann.
Heimildarmaðurinn sagði einnig að fyrirsætan líti svo á að það sé hennar fyrrverandi að kenna að hún og Valente hafi hætt saman. „Með því að samþykkja að fara í þáttinn og vera grillaður, þá setti hann skotmark á bak Joaquim.“
Það er vert að taka fram að hvorki Bündchen né Valente hafa staðfest sambandsslitin.
