Andrey Santos, miðjumaður Chelsea, gæti fengið líflínu hjá félaginu eftir að Enzo Maresca tók við. The Athletic segir frá þessu.
Hinn tvítugi Santos gekk í raðir Chelsea snemma á síðasta ári frá heimalandinu, Brasilíu, en var ekki inni í myndinni hjá Mauricio Pochettino á síðustu leiktíð.
Var hann fyrst lánaður til Nottingham Forest, þar sem hann fékk lítið sem ekkert að spila en svo Strasbourg í Frakklandi. Þar gekk honum ansi vel.
Maresca er sagður til í að gefa honum hlutverk á næstu leiktíð, en hann tók við sem stjóri Cheslea af Pochettino á dögunum.
