Barcelona og Manchester United gætu slegist í kapphlaupið um Joao Palhinha, miðjumann Fulham, eftir að tilboði Bayern Munchen í leikmanninn var hafnað.

Kaveh Solkehol, fréttamaður á Sky Sports, segir frá þessu í dag en Palhinha hefur verið orðaður við Bayern frá því í fyrra, þegar félagið var nálægt því að fá hann.

Þýski risinn reynir nú áfram að landa Portúgalanum en tilboði upp á 30 milljónum punda var hafnað. Talið er að Fulham vilji tvöfalt þá upphæð.

Solkehol segir að Barcelona og United sýni honum einnig áhuga en fjárhagsvandræði Börsunga og óvissa með hver verður næsti stjóri United hjálpar ekki.

Bayern þarf væntanlega að undirbúa annað tilboð fljótlega, vilji þeir fá leikmanninn, áður en fleiri félög koma að borðinu. Vincent Kompany, stjóri liðsins, hefur verið sagður mjög áhugasamur um að fá Palhinha.

Fulham value Joao Palhinha at double £30m bid they have rejected from Bayern Munich. Barcelona and Man United also interested but Barcelona have financial issues and there’s uncertainty surrounding managerial situation at United. No release clause in Palhinha’s contract.

— Kaveh Solhekol (@SkyKaveh) June 10, 2024