Það hefur mikil umræða skapast um holdafar Ísaks Snæs Þorvaldssonar, leikmanns Breiðabliks, frá því hann gekk í raðir félagsins á ný á láni frá Rosenborg. Hefur hann verið sagður of þungur.
Þetta var tekið fyrir í hlaðvarpinu Steve Dagskrá, þar sem þau Edda Sif Pálsdóttir og Gunnar Birgisson af RÚV voru gestir. Eru þau sammála um að þessi umræða sé furðuleg.
„Mér finnst þetta bara mjög skrýtin umræða,“ sagði Gunnar í þættinum.
Ísak skoraði í síðasta leik gegn HK og fagnaði með því að skjóta á gagnrýnendur, þá sérstaklega Albert Brynjar Ingason, sem hafði gagnrýnt hann harðlega.
Sjiiiiiii https://t.co/fvl4UUVQ0R pic.twitter.com/xelDqgg0zI
— Íslenskur Fótbolti (@islenskurf) June 3, 2024
„Það er líka skrýtið að hún fari alla leið inn á völlinn. Það er íslenskt,“ sagði Edda því næst um fagnið.
„Þetta var geðveikt fagn. Hann er harður í horn að taka,“ bætti Gunnar þá við og þáttastjórnandinn Vilhjálmur Freyr Hallsson var honum sammála.
„Þetta var rútinerað, hann vissi alveg hvert næsa skref var.“
Fagnið er í spilaranum hér að ofan.
