Conor Gallagher virðist færast nær því að yfirgefa Chelsea ef marka má nýjustu fréttir.
The Athletic greinir nú frá því að Aston Villa hafi sett sig í samband við bæði Chelsea og fulltrúa miðjumannsins. Er hann helsta skotmark Unai Emery, stjóra Villa, en liðið keppir í Meistaradeild Evrópu á næstu leiktíð.
Gallagher spilaði stóra rullu í liði Chelsea á leiktíðinni og var oftar en ekki fyrirliði í fjarveru Reece James og Ben Chilwell. Hann á hins vegar ár eftir af samningi sínum og félagið þarf sennilega að selja hann til að standast fjárhagsreglur.
Til að vera innan ramma laganna þarf Chelsea að selja leikmenn og fá inn fjármagn fyrir 30. júní.
🚨 Aston Villa hold preliminary talks with Chelsea over move for Conor Gallagher. #AVFC also in contact with 24yo’s camp. Unai Emery huge admirer + emerging as a top target. #CFC retain interest in Jhon Duran – among candidates for No.9 role @TheAthleticFC https://t.co/dTZPoBhtwl
— David Ornstein (@David_Ornstein) June 4, 2024
