Jose Mourinho, fyrrum stjóri Manchester United, hefur gefið í skyn að erfiðleikar Jadon Sancho hjá Manchester United séu stjóra liðsins, Erik ten Hag, að kenna.

Ten Hag missti þolinmæðina í garð Sancho á síðustu leiktíð en hann var ekki ánægður með vinnuframlag leikmannsins.

Sancho var í kjölfarið sendur til Þýskalands í janúar en hann gerði lánssamning við Borussia Dortmund út tímabilið.

Mourinho viðurkennir að hann hafi ekki alltaf náð til sinna leikmanna og að það sama hafi gerst með Ten Hag þegar kemur að Englendingnum.

,,Við vitum hversu góður leikmaður hann er, við höfum séð hvað hann getur gert og það getur enginn efast um hæfileikana,“ sagði Mourinho.

,,Það sem gerðist hjá Manchester United… Ef ég horfi til baka á mína eigin sögu, stundum mistókst mér að ná til leikmanna.“

,,Ég gat ekki fundið jafnvægið, skilið leikmanninn eða hjálpað honum að komast í rétta átt. Mest megnis þá gekk það upp en stundum þá gerðist það ekki.“

,,Stundum þurfum við að læra og þroskast sem ég hef reynt að gera. Stundum eru þeir með hæfileikana en ekki hugarfarið sem þú vilt frá þínum leikmmanni.“

,,Það er á hreinu að strákurinn gerði mistök, það er víst en það er líka augljóst að þjálfari hans náði ekki því besta úr honum.“