Gary Neville tók ítarlegt viðtal við Wwayne Rooney fyrrum fyrirliða Englands sem birtist í dag. Eitt af því sem þeir fara ítarlega yfir er leikur Íslands og Englands á EM 2016.

Neville var þá aðstoðarþjálfari liðsins en Rooney var stjarna liðsins. „Ég hugsa ekki um margt á ferli sínum en eitt af því sem kemur upp í huga minn reglulega er leikurinn gegn Íslandi, aðallega fyrir Roy og þjóðin. Síðasti leikur Roy,“ segir Gary Neville og á þar við um Roy Hodgson sem var þjálfari enska liðsins.

Rooney segir að stemmingin eftir leik hafi verið skrýtin. „Þetta var skrýtið eftir leik og Roy sagðist vera hættur, hann sagðist ekki ætla að ræða við fjölmiðlana. Hann gerði það.“

Neville talaði um að þetta væri einn af lágpunktum á ferli hans. „Ég hef aldrei verið hluti af leik svona áður,“ sagði Rooney.

„Síðustu tuttugu mínúturnar voru skrýtnar, við vorum með ungt lið og spiluðum barnarlega. Við höfum oft rætt það um að færa boltann, fá fyrirgjafir og vinna bolta númer tvö. Við vorum að henda mönnum fram of fljótt, taka skot heimskulega. VIð fórum á taugum, þeir voru með tvær fjögurra eða fimm manna línur. Ég hafði enga trú á því að við myndum skora undir restina.“

Neville segir að stemmingin í Nice hafi verið sérstök. „Það var skrýtin stemming á vellinum,“ sagði Neville og Rooney tók til máls.

„ÞÚ átt að vinna Ísland, við spiluðum frábærlega í leikjunum á undan. Þú sast í klefanum eftir leik og vissir ekkert,“ sagði Rooney.

Hann segir að það hafi verið hræðilegt að lenda undir gegn Íslandi, þeir hafa spilað svo agaðan varnarleik.

„Við skoruðum úr vítinu, þeir fengu innköst og föst leikatriði. Svo jafna þeir og komast svo í 2-1, þá ertu að elta leikinn. Þeir voru versta liðið á mótinu að lenda undir gegn, svipaðir og Grikkir árið 2004,“ sagði Rooney.