Sigurður Hlöðversson, eða Siggi Hlö, eins og sumarbústaða- og heitrapottaaðdáendur ásamt fleirum þekkja hann best, yfirgaf útvarpið í ágúst árið 2022. 

Siggi hafði þá haldið úti þættinum vinsæla Veistu hver ég var? í rúm 14 ár á Bylgjunni.

Sjá einnig: Siggi Hlö hættir með útvarpsþáttinn vinsæla – „Ég er því sáttur að hætta á toppnum“

Siggi fór í ferðabransann, en nú hefur hann snúið aftur í útvarpið, þó ekki með þátt, heldur í útvarpsauglýsingum. Þar rifjar Siggi upp gamla takta. 

Í auglýsingunum er íslenska lúsmýið í sumarbústað “að fá sér”. Og eins og saumaklúbbarnir forðum daga, þá hringir lúsmýið í þáttinn til Sigga til að skila kveðjum. Stemningin er hins vegar aðeins minni hjá lúsmýinu, því það er aðallega að kvarta yfir „slæmum móttökum“ í bústaðnum. 

Lúsmýið sem heyrist “öskra og hlæja” í bakgrunninum er úr alvöru upptökum frá saumaklúbbum sem hringdu í þáttinn hans Sigga á Bylgjunni. Siggi á 14 ára safn af þáttum og símtölum frá saumaklúbbum. 80’s tónlistin sem er notuð í auglýsingunni var búin til með gervigreind.

Siggi Mygga 1

Siggi Mygga 2

Siggi Mygga 3

Siggi Mygga 4