Kylian Mbappe er opinn fyrir því að spila fyrir AC Milan á einhverjum tímapunkti á ferlinum. Þetta kemur fram í nýju viðtali við hann.

Hinn 25 ára gamli Mbappe er á förum frá PSG en samningur hans í frönsku höfuðborginni er að renna út. Hann er talinn á leið til Real Madrid.

Mbappe hefur hins vegar opnað sig um það að hafa stutt Milan frá því hann var barn.

„Frá því ég var barn studdi ég Milan. Ég hef alltaf sagt að ef ég spila á Ítalíu muni það vera fyrir Milan. Þú veist aldrei hvað gerist, en ég horfi á alla leiki með Milan. Öll fjölskylda mín styður Milan og ég horfði líka alltaf á leiki með þeim sem krakki,“ segir Mbappe.