Dwight Yorke, fyrrum leikmaður Manchester United, er viss um að hann gæti tekið við liðinu af Erik ten Hag og gert góða hluti.

Þessi ummæli vekja heldur betur athygli en Yorke hefur lítið sem ekkert þjálfað eftir að ferlinum lauk á knattspyrnuvellinum.

Yorke bendir á að fyrrum samherji sinn Ole Gunnar Solskjær hafi fengið tækifæri á Old Trafford og er handviss um að hann gæti gert jafnvel eða betur en Norðmaðurinn.

,,Treystu mér, ef Ole Gunnar Solskjær getur gert þetta þá get ég klárlega þjálfað liðið,“ sagði Yorke.

Ten Hag er sterklega orðaður við brottför frá enska stórliðinu en hann vann þó enska bikarinn í gær í leik gegn Manchester City.