Frank McAvennie, fyrrum leikmaður West Ham, væri meira en til í að sjá goðsögnina sjálfa Jose Mourinho taka við liðinu eftir tímabilið.
Óvíst er hvort David Moyes haldi áfram með West Ham en hann hefur enn ekki skrifað undir nýjan samning við félagið og er framhaldið óljóst.
Mourinho gæti reynst kostur fyrir West Ham ef Moyes fer í sumar en sá fyrrnefndi er atvinnulaus eftir brottrekstur frá Roma fyrr á tímabilinu.
,,Ég er alls ekki viss um að David vilji halda áfram,“ sagði McAvennie í samtali við Football Insider.
,,Af hverju hefur hann ekki skrifað undir nýjan samning ef hann vill halda áfram störfum? Graham Potter er nefndur, Jose Mourinho er nefndur.“
,,Mér er alveg sama hvað fólk segir, ég er mikill aðdáandi Mourinho – hann hefur unnið marga titla. Hann var víst ekki nógu góður fyrir Manchester United, hann vann Evrópudeildina og deildabikarinn! Þetta var stórslys! Í alvöru?“
,,Ég myndi elska að fá hann hingað. Allir geta séð það að varnarleikurinn þarf á hjálp að halda og Mourinho er góður í því, það er á hreinu.“
