Liverpool þarf líklega að leita annað en til Bayer Leverkusen í sumar til að finna arftaka Jurgen Klopp.

Frá þessu greinir blaðamaðurinn virti Florian Plettenberg sem vinnur fyrir Sky Sports í Þýskalandi.

Xabi Alonso er sterklega orðaður við Liverpool en Jurgen Klopp mun yfirgefa félagið í sumar – Alonso er fyrrum leikmaður liðsins.

Samkvæmt heimildum Sky er Bayern Munchen þó sannfært um að Alonso muni skrifa undir þar frekar en á Englandi í sumar.

Plettenberg segir að Bayern sé nú þegar búið að ræða við Alonso og að hann muni hafna Liverpool til að taka við þýska stórveldinu.

,,Ef hann ákveður að fara frá Leverkusen í sumar þá mun hann semja við Bayern Munchen og ekki Liverpool,“ segir Plettenberg.

Alonso lék einnig með Bayern á sínum ferli sem leikmaður og hefur gert stórkostlega hluti við stjórnvölin hjá Leverkusen.