Það náðist á myndband þegar knattspyrnumaðurinn fyrrverandi, Robinho, var handtekinn í heimalandi sínu í morgun.
Robinho, fyrrum leikmaður Manchester City, Real Madrid og fleiri liða er á leið í fangelsi. Þetta er sjö árum eftir að hann var dæmdur fyrir að taka þátt í að hópnauðga konu.
Hæstiréttur í Brasilíu úrskurðaði um þetta en Robinho var dæmdur af dómstólum á Ítalíu fyrir sjö árum en hefur haldið sig í heimalandinu.
Robinho mun taka dóm sinn út í Brasilíu. Alþjóðleg handtökuskipun var gefin út á Robinho fyrir tveimur árum.
Robinho var dæmdur í níu ára fangelsi á Ítalíu árið 2017 fyrir aðild að hópnauðgun á stúlku frá Albaníu sem átti sér stað árið 2013. Robinho var dæmdur sekur vegna skilaboða í síma hans, þar sem hann talaði um að stúlkan hefði verið ofurölvi.
Fyrir dómstólum kom fram að Robinho hafi niðurlægt konuna og að auki reynt að blekkja saksóknara með lögmanni sínum, þeir hafa breytt framburði sínum sem búið var að fara yfir og samþykkja af öllum aðilum.
Robinho hefur alltaf hafnað sök í málinu.
‼️ 𝐔́𝐋𝐓𝐈𝐌𝐀 𝐇𝐎𝐑𝐀 | Robinho, detenido en Brasil.
🚔 Ha sido arrestado en su país después de que el Tribunal Superior brasileño homologara la sentencia italiana.
👨⚖️ Había sido condenado a 9 años de cárcel.
📹 [@geglobo]pic.twitter.com/Nlk5OY8tJ0
— Afición Deportiva (@AfDeportiva_) March 22, 2024
