Sigurður Gísli Bond Snorrason, Siggi Bond, var gestur Íþróttavikunnar í þetta skiptið. Helgi Fannar Sigurðsson og Hrafnkell Freyr Ágústsson hafa umsjón með þættinum.
Sigurður er mikill stuðningsmaður Manchester United, sem hefur valdið mörgum vonbrigðum á tímabilinu. Liðið er 6 stigum frá fimmta sæti ensku úrvalsdeildarinnar sem gæti gefið Meistaradeildarsæti.
„Þetta er allt í lagi tímabil bara. Maður bjóst ekki við neinu, þetta er ömurlegt lið. Þetta er sennilega lélegasta vörn í sögu Manchester United. Svo ertu með ruslið Antony á kantinum, Hojlund var lengi í gang, Martial er enn þá þarna. Það þarf bara að stokka upp og þetta mun taka tíma,“ sagði Sigurður í þættinum.
„Það er alltaf verið að tala um að Ten Hag sé að fara eftir tímabilið en ég er ekkert svo viss um það. Ég get alveg trúað því að þeir gefi honum eitt tímabil í viðbót og væri alveg til í að sjá það.“
Svo gæti farið að United skipti þó um stjóra í sumar.
„Ég væri allavega alls ekki til í að fá Thomas Frank. Hann var nefndur um daginn. Ég er á báðum áttum með Southgate, það er verið að orða hann við þetta. En ég held að hann gæti leynt á sér.“
Umræðan í heild er í spilaranum.
Íþróttavikan er í boði Bola léttöl og Lengjunnar
