Lyngby staðfestir á vef félagsins að Gylfi Þór Sigurðsson spili ekki aftur fyrir félagið, félagið þakkar honum fyrir. Gylfi skrifaði undir samning við Val í gær samkvæmt mjög öruggum heimildum 433.is.

Gylfli rifti samningi sínum við Lyngby í upphafi árs, danska félagið sagði það vera vegna meiðsla sem hann glímdi við hann.

„Við viljum þakka Gylfa fyrir sinn tíma hjá Lyngby, Gylfi kom eftir langt hlé frá fótboltanum og við vonuðum að hann kæmist í sitt gamla form. Það gekk ekki, Gylfi hefur verið góður drengur og það er enginn dramatík,“ segir Nicas Kjeldsen yfirmaður íþróttamála.

Gylfi samdi við Lyngby þegar Freyr Alexandersson var þjálfari liðsins en hann hætti í byrjun janúar og skömmu síðar rifti Gylfi samningi sínum.

„Ég er þakklátur Lyngby fyrir tækifærið, ég verð alltaf þakklátur. Þetta skipti mig máli og ég mun alltaf mun eftir þeim móttökum sem ég fékk frá félaginu. Ég óska félaginu alls hins besta,“ segir Gylfi.

Gylfi spilaði sex leiki fyrir Lyngby en heldur nú heim og spilar fyrir Val.