Það eru góðar líkur á því að Manchester United muni leita að nýjum þjálfara í sumar en gengið undir Erik ten Hag hefur verið ansi brösugt í vetur.
Mörg nöfn eru orðuð við starfið hjá United og hefur Goal.com útbúið liðsta þar sem 19 aðilar koma fyrir.
Goal telur líklegt að Ten Hag fái sparkið eftir tímabilið og sérstaklega ef United missir af Meistaradeildarsæti.
Hollendingurinn er ekki vinsæll á meðal margra á Old Trafford en spilamennska liðsins hefur ekki heillað á tímabilinu.
Goal setur Jose Mourinho, fyrrum þjálfara liðsins, á þennan ágæta lista en hann er þó í 19. sæti.
Toppsætið er í eigu Graham Potter sem er í dag atvinnulaus eftir að hafa þjálfað Brighton og síðar Chelsea.
Önnur stór nöfn á borð við Antonio Conte, Zinedine Zidane, Xavi, Gareth Southgate, Thomas Tuchel, Roberto De Zerbi og Julian Nagelsmann koma fyrir.
