Það er ekkert til í þeim sögusögnum að Sergio Aguero sé að snúa aftur á völlinn þremur árum eftir að hafa lagt skóna á hilluna.

Aguero hætti 2021 vegna hjartavandamál en var orðaður við Independiente í heimalandinu í síðustu viku.

Carlos Tevez, fyrrum liðsfélagi Aguero í argentínska landsliðinu og Manchester City, er stjóri Independiente og opnaði dyrnar fyrir hans komu.

Sögusagnir fóru þá af stað að Aguero gæti verið að taka skóna af hillunni en hann þvertekur fyrir þann orðróm.

,,Þetta er algjör lygi, ég er ekki að fara að æfa með Independiente og er ekki að því,“ sagði Aguero.

,,Stundum ákveða fjölmiðlar að búa til lygasögur. Ég hef rætt við hjartalækni minn og hann segir að ég sé heilbrigður og að það sé mikilvægt að ég haldi mér þannig.“

,,Að æfa með liði í efstu deild Argentínu er annað mál, ég þyrfti að fara í margar ítarlegar skoðanir.“