Paulo Dybala, leikmaður Roma, hefur spilað með mörgum gríðarlega öflugum leikmönnum á sínum ferli.

Dybala vakti fyrst heimsathygli hjá Palermo á Ítalíu en var keyptur til Juventus og fór þaðan til Roma.

Hann hefur nú nefnt þrjá bestu leikmennina sem hann spilaði með en athygli vekur er að Gonzalo Higuain fær pláss á listanum.

Higuain var mikill markaskorari á sínum tíma en Dybala hefur mögulega spilað með hæfileikaríkari mönnum að margra mati.

,,Messi, Ronaldo og Higuin, þetta eru þrír bestu leikmennirnir sem ég hef spilað með,“ sagði Dybala.

,,Ronaldo er sigurvegari, að spila með honum hjá Juventus var svo gaman. Ég lærði hversi metnaðarfullur maður á að vera sem fótboltamaður og að vera með það markmið að vinna allt saman.“

,,Draumurinn var alltaf að spila með Messi og hann hefur ávallt verið hvatning fyrir mig. Að hafa unnið HM með honum er eitthvað sem ég mun aldrei gleyma.“