Morten Beck Andersen borgar ekki lögmannskostnað sinn í máli sem hann hefur rakið gegn FH. Þessu heldur Viðar Halldórsson, formaður aðalstjórnar FH fram í þættinum Mín skoðun á Brotkast.

FH var dæmt til að greiða öll launatengd gjöld í kringum laun Morten Beck frá tíð hans hjá félaginu. FH taldi Morten hafa verið verktaka félagsins en Morten taldi sig hafa verið launþega.

Málið var dæmt Morten í hag en hann fékk þó ekki krónu frá FH. „Hann hafði fengið allt sem hann átti að fá, eini sem hagnaðist á þessu máli var íslenska ríkið,“ segir Viðar í viðtali við Valtý Björn Valtýsson.

Málið er nú á borði alþjóðlegra dómstóla en þar er KSÍ orðið hluti af málinu þar sem Morten Beck og hans fólk er ósátt við það að FH hafi ekki þurft að sæta félagaskiptabanni.

„Hann er örugglega ekki lægri lögfræðikostnaðurinn hjá þeim en okkur, hann er nálægt fjórum milljónum. Villi Vill hefur ekki gefið sína vinnu og á ekki að gera,“ sagði Viðar og á þar við lögmanninn, Vilhjálm Vilhjálmsson.

„Morten Beck er ekki að borga þennan kostnað, það er lágmarkslaunakröfumennirnir. Leikmannastök Íslands, þeir eiga peninga. Ég er 95 prósent viss um að Leikmannasamtökin hafi borgað kostnað Morten Beck í þessu máli,“ sagði Viðar.