Chris Wilder, stjóri Sheffield United, hafði ekki mikla ástæðu til að brosa um helgina eftir 5-0 tap sinna manna gegn Brighton.
Mason Holgate fékk að líta rautt spjald snemma leiks og átti Sheffield aldrei möguleika eftir það.
Eftir leik var Wilder spurður að undarlegri spurningu af blaðamanni varðandi þá Cameron Archer og Ben Brereton Diaz.
Blaðamaðurinn mismælti sig ansi illa í spurningunni og spurði Wilder: ‘Er einhver möguleiki að við fáum að sjá Archer og Cameron Diaz til baka á næstunni?’
Wilder hló og svaraði: ‘Cameron Diaz? Hún getur spilað frammi fyrir okkur, ekkert mál. Þú fékkst mig til að njóta mín í fimm sekúndur!’
Cameron Diaz er heimsfræg leikkona en er því miður ekki jafn hæfileikarík í boltanum og nafn sinn, Ben Brereton Diaz.
