Það vakti nokkra athygli þegar Guðrún Inga Sívertsen, skólastjóri Verslunarskóla Íslands og fyrrum varaformaður KSÍ lýsti yfir stuðningi við Vigni Má Þormóðsson í framboði til formanns KSÍ. Þetta gerði hún fyrir helgi

Vignir er að berjast um stólinn við Guðna Bergsson og Þorvald Örlygsson en 147 fulltrúar kjósa til formanns eftir átta daga.

Guðrún Inga var lengi vel í stjórnunarstörfum hjá KSÍ og fer fögrum orðum um Vigni sem sat í tólf ár í stjórn KSÍ en hætti árið 2019.

Meira:
Skólastjóri Verslunarskóla Íslands styður Vigni – „Hefur óteljandi kosti sem munu nýtast honum í embætti“

Guðrún Inga var meðal annars varaformaður KSÍ þegar Guðni Bergsson var formaður. Í útvarpsþættinum Fótbolta.net á X-977 er því lýst sem talsverðu höggi fyrir Guðna.

„Þetta er mikið fyrir högg fyrir Guðna,“ segir Elvar Geir Magnússon, ritstjóri Fótbolta.net.

Tómas Þór segir þetta merkilega yfirlýsingu þar sem Guðrún Inga hafi mikla virðingu í fótboltasamfélaginu.

„Það er það virkilega og stórt fyrir Vigni, það eru fáir einstaklingar og sérstaklega konur. Hún og Borghildur sem hafa mesta virðingu kvenna í þessum bransa og þvert á kyn. Þetta var högg fyrir Guðna.“

Elvar Geir tók þá aftur til máls. „GunnInga var varaformaður KSÍ þegar Guðni var formaður en lýsir yfir stuðningi við Vigni í þetta embætti.“