Thomas Tuchel, stjóri Bayern Munchen, er ekki hrifinn af reglunum í Þýskalandi og vill að deildin horfi til Englands.
Tuchel og hans menn töpuðu 3-0 gegn Bayer Leverkusen um helgina og eru fimm stigum frá toppnum.
Josip Stanisic var á meðal markaskorara Leverkusen en hann er í láni hjá félaginu frá einmitt Bayern.
,,Á Englandi þar er góð regla þar sem lánsmenn mega ekki spila gegn eigin félagi,“ sagði Tuchel.
,,Það er mikið vit í þessari reglu, því miður er hún ekki til staðar í Þýskalandi.“
