Leikmenn Manchester United eru margir hverjir mjög ósáttir við Marcus Rashford þessa stundina. Daily Mail segir frá.

Rashford var ekki valinn í leikmannahóp United gegn Newport í enska bikarnum á sunnudag þar sem hann hringdi sig inn veikan á æfingu á föstudag og síðar kom í ljós að hann hafði verið á næturklúbbi í Belfast kvöldið áður.

„Leikmönnum var tjáð að hann væri of veikur til að æfa. Svo kemur í ljós að hann var á næturklúbbi. Þeir trúðu ekki að hann skildi gera þetta í stöðunni sem félagið er í,“ segir heimildamaður Daily Mail.

Rashford var sektaður um 650 þúsund pund af United fyrir athæfi sitt en málinu er nú talið lokið.

Meira
Kona sem djammaði með Rashford segir sögu sína frá kvöldinu sem kom honum í vanda – Henti annarri konu út og fleygði eigum hennar á jörðina